熟啲嘅學生，都會搵我傾心事，失戀單戀明戀暗戀。不若而同情況類近，恰好用這首歌借題發揮。
單戀失戀之所以會痛，簡單啲講，有時因為你想像的畫面，同佢理解嘅唔一樣。
或者咁講，當單戀到一個絕境，你以為講得決斷啲，只少可以挽回一啲尊嚴，為你爭取啲嘢。但其實喺對方眼中，你只係行緊最後一步棋。
而呢一步棋，你又以為一定可以逼到佢就範，令佢著緊啲你，而事實係，如果佢心入面有丁點著緊你，你其實跟本唔會有啲機會唱呢首歌，佢亦唔可能忍心你唱呢首歌。
講到底，也是人性，你求生求死求到一個點，都只希望為自己保留最後一啲自尊，但殘忍啲咁講，如果因為咁，為自己製造一個以為佢會回心轉意嘅假象，俾你挽回到一陣子，痛苦嘅，都係自己。
諗真啲你就明白，呢首歌你唱出口，已經輸了。
# 唯有講請珍惜我 這般的我 人間都不太多
若我走出你劇本 失去什麼 你可想過
很想我繼續崇拜你 獎我兩滴神蹟麼
真的不敢講價太多 #
