【訂制結他】Heidi：呢兩個 option 簡直物超所值

Sitka 同 Mahogany，可以話係最基本嘅 Tonewood 配搭，但係用咗落 Bourgeois 度，成件事就不再平凡。

由第一次見識到Bourgeois 嘅震撼，到真係揀定我嘅 dream combo，其實用咗唔係好耐。首先要超級感謝峰幫我分析咗好多唔同嘅 options，令我可以喺連自己都唔知想點嘅情況下搵到我嘅 perfect guitar。

對於鍾意慢歌嘅我黎講，mahogany 底側板係當之無愧嘅不二之選。果種又warm 又 woody 嘅感覺，一試難忘。至於面板，對外貌協會嘅我黎講就梗係要靚啦。縱橫交錯嘅 bearclaw 紋，高調得黎又帶點不羈，加上佢嘅 tone 又夠曬 balanced，無得輸！

除咗又有內涵又有樣之外，呢把結他仲加咗畫龍點睛嘅兩個 option - aged-tone 同 large soundhole。對於追求朦朦朧朧又好鬼有氣氛嘅果種聲嘅人，呢兩個 option 簡直物超所值，可以話係賦予咗個結他一種時間同空間上嘅昇華。嗰種澎湃，嗰種氣勢，如狂風巨浪，一發不可收拾。

正所謂 Bourgeois 在手，天下我有。左手按弦，右手勾弦，連接嘅係可以洗滌世間一切混濁嘅忘我享受。
其實我想講嘅係，有人問，一把結他，咁貴，你又唔係話彈的好，值得咩？我話，人一世物一世，搵到自己鍾意嘅嘢係幸福嘅事。希望所有人都搵到自己愛嘅嘢，並可以一直愛下去。